Fýtboldan Meksıka quramasynyń shabýylshysyn urlap ketti
ASTANA. QazAqparat - Fýtboldan Meksıka quramasynyń jáne grektiń Olımpıakosa" komandasynyń shabýylshysy Alan Pýlıdony urlap ketti, dep habarlaıdy RIA Novostı.
The Sun baslymynyń derekterine qaraǵanda, 25 jastaǵy shabýylshy senbi kúni Sıýdad-Vıktorııa qalashyǵynda urlanǵan. Fýtbolshy óziniń qurbysymen birge keshki otyrystan qaıtyp kele jatqanda onyń avtomobılin birneshe júk mashınasy qorshap, jolyn bógegen de, betin búrkemelegen alty adam Pýlıdony kúshpen shyǵaryp, belgisiz jaqqa alyp ketken. Al fýtbolshynyń qyzyna tıispegen.
«Iá, bul shyndyq. Ol senbi kúni tańerteń joǵaldy. Biz bılik tarapynan kómek kútýdemiz»,-dedi sportshynyń aǵasy Armando.
Pýlıdo ótken maýsymda "Olımpıakosa" quramynda Grekııa chempıony atanǵan edi.
