Fýtboldan Lıga kýbogynyń fınalynda «Astana» men «Jeńis» kezdesedi

ASTANA. KAZINFORM — Fýtboldan Lıga kýbogynyń fınalynda elordalyq «Astana» men «Jeńis» komandalary kezdesetin boldy.

Jartylaı fınaldaǵy alǵashqy oıynda «Qaırat» pen «Jeńis» kezdesti. Alǵashqy oıynda astanalyq klýb qarsylasyn 2:0 esebimen tize búktirgen edi.

Búgingi oıynda almatylyq klýbtan Gıorgı Zarııa 32, Zarııa 53-mınýtta qos goldyń avtory atandy. 

Osylaısha eki oıynnyń nátıjesi teńesti. Qosymsha kezeńde de jeńimpaz anyqtalǵan joq.

Penaltıden «Jeńistiń» joly bolyp, fınalǵa joldama aldy. 

Taǵy bir kezdesýde «Astana» men «Elimaı» qos oıynda da 0:0 esebimen teń tústi.

Qosymsha kezeńde de gol soǵylmady. Penaltı tebýden «Astana» basym tústi.

Endi 24 qarashada ótetin fınalda «Astana» men «Jeńis» sheberlik baıqasady. 

Lıga kýbogy oıyndary bıyl elimizde alǵash ret bastaldy.

Bas júldege qol jetkizgen komanda qomaqty aqshalaı syıaqy alady.