Fýtboldan Lıga kýbogy: «Ordabasy» men «Elimaı» teń tústi

ASTANA. KAZINFORM - Búgin fýtboldan Lıga kýbogy týrnıriniń ekinshi týry bastalady. Bıyl alǵash ret jalaýyn kótergen týrnırde 16 komanda 4 topta synǵa túsip, árqaısysy 3 oıynnan ótkizip jatyr.

Búgin, 6 shildede S tobynda «Ordabasy» (Shymkent) men «Elimaı» (Semeı) kezdesýi ótti. 

Oıynnyń 54-mınýtynda semeılik klýbtan Erkebulan Nurǵalıev esep ashsa, oǵan «Ordabasy» oıynshysy Saǵadat Tursynbaı 72-mınýtta bir golmen jaýap qaıyrdy.

Al Jan Alı Paırýzdyń 79-mınýttaǵy golynan keıin qaıtadan «Elimaı» alǵa shyqsa, Saǵadat Tursynbaı 88-mınýtta qaıtadan tarazy basyn teńestirdi.

Osylaısha komandalar 2:2 esebine qanaǵat bildirdi.

Bul toptaǵy «Turan» (Túrkistan) men «Atyraý» kezdesýinde atyraýlyq klýb 2:0 esebimen basym tústi.

Sondaı-aq 6 shildede V tobynda «Tobyl» (Qostanaı) óz alańynda «Aqtóbeni» 2:0 esebimen jeńse, «Qaısar» (Qyzylorda) men «Jeńis» (Astana) klýbyna 0:1 esebimen jol berdi.

Endi 7 shildede A tobynda «Aqjaıyq» pen «Taraz», «Qyzyljar» (Petropavl) men «Qaırat» (Almaty) kezdesedi.

Dál sol kúni D tobynda «Shahter» (Qaraǵandy) men «Jetisý» (Taldyqorǵan), «Astana» men «Kaspıı» (Aqtaý) synǵa túsedi.