Fýtboldan Lıga kýbogy: «Astana» «Kaspııdi» oısyrata jeńdi

ASTANA. KAZINFORM - Búgin fýtboldan Lıga kýbogy týrnıriniń ekinshi týry máresine jetti.

Atalǵan týrda D tobyndaǵy komandalar túıindedi.

Elordalyq «Astana» Aqtaýdyń «Kaspııin» 5:0 esebimen tize búktirdi. Bul oıynda elordalyq klýbtan Nnamdı Ahanoný 18, Elhan Astanov 35, Karlo Bartolets 62, Marın Tomasov 79, Stanıslav Basmanov 82-mınýtta mergendik tanytty.

Osylaısha olar qarsylasynan 5:0 esebimen basym tústi.

Bul toptaǵy taǵy bir kezdesýde Qaraǵandynyń «Shahteri» óz alańynda Taldyqorǵannyń «Jetisýyn» 2:1 esebimen súrindirdi.

Sondaı-aq A tobyndaǵy «Qyzyljar» (Petropavl) men «Qaırat» (Almaty) 1:1 esebimen teń oınasa, Oraldyń «Aqjaıyǵy» «Tarazǵa» 0:2 esebimen jol berdi.

Aıta ketsek, 6 shildede V tobynda «Tobyl» (Qostanaı) óz alańynda «Aqtóbeni» 2:0 esebimen jeńse, «Qaısar» (Qyzylorda) men «Jeńis» (Astana) klýbyna 0:1 esebimen jol berdi.

Al 6 shildede S tobynda «Ordabasy» (Shymkent) men «Elimaı» (Semeı) 2:2 esebine qanaǵat bildirse, «Turan» (Túrkistan) «Atyraýǵa» 0:2 esebimen jol berdi.

Endi úshinshi týr oıyndary 20 jáne 21 shilde kúnderine belgilengen.

Jartylaı fınalda 10-11 tamyz ben 30 qazanda A men V, S men D toptarynyń jeńimpazdary oınaıdy. Fınal 24 qarashaǵa josparlanǵan.