Fýtboldan qyzdar arasyndaǵy Chempıondar lıgasy: «BIIK-Qazyǵurt» «Bavarııamen» kezdesedi
NUR-SULTAN. QazAqparat - Búgin Shveıtsarııanyń Non qalasynda qyzdar arasyndaǵy fýtboldan UEFA Chempıondar lıgasy 1/8 fınalynyń jerebesi tartyldy, dep habarlaıdy QazAqparat tilshisi.
Jarystyń atalmysh satysynda qazaqstandyq «BIIK-Qazyǵurt» Germanııanyń «Bavarııa» qyzdarymen sheberlik baıqasady. Alǵashqy oıyn 16 nemese 17 qazanda Qazaqstanda ótkizilse, qarymta kezdesý Germanııada 30 nemese 31 qazan kúnderi bolady.
Shymkent qalasynyń «BIIK-Qazyǵurt» komandasy toptyq kezeńde altynshy topta synǵa tústi. Onda Fınlıandııanyń PK-35, Estonııanyń «Flora» jáne Farer araldarynyń «EBS Skala» komandalaryn artqa tastap, óz tobynda birinshi oryn aldy. Odan keıin qazaqstandyq fýtbolshylar Belgııanyń «Anderleht» komandasyn (1:1, 2:0) jeńdi.
«BIIK-Qazyǵurt» komandasy el birinshiliginde 16 márte chempıon atanǵan. 2003/2004 jyldan beri Eýrokýbok oıyndaryna turaqty túrde qatysyp keledi.
Al «Bavarııa» 1970 jyly qurylǵan. Sodan beri óz elinde 3 márte chempıon atanǵan. Sońǵy jyldarda bul komanda Eýrokýbok oıyndarynda óz eliniń namysyn qorǵap keledi.
Foto: kff.kz
