Fýtboldan Qyrǵyzstan chempıonatynyń sheshýshi oıynyna qazaqstandyq tóreshiler brıgadasy tórelik etedi
BІShKEK. Qarashanyń 5-i. QazAqparat /Evgenıı Novıkov/ - Dúısenbi, qarashanyń 9-ynda qyrǵyzdyń Qant qalasynda fýtboldan Qyrǵyzstan chempıonatynyń sheshýshi oıyny ótedi. «Abdysh-Ata» jáne «Dordoı-Dınamo» komandalarynyń arasynda ótetin bul oıynǵa qazaqstandyq tóreshiler brıgadasy tórelik etedi.
Bul komandalar qyrǵyz fýtbolynyń kóshbasshylary bolyp tabylady. «Abdysh-Ata» komandasy jeńiske jetken jaǵdaıda, el chempıonatyn anyqtaý úshin «altyn dop» taǵaıyndalady. Al basqasha aıaqtalǵan jaǵdaıda, «Dordoı» kezekti chempıondyq ataqqa ıe bolady.
Qyrǵyz Fýtbol federatsııasynyń bólim bastyǵynyń aıtýynsha, aldaǵy jekpe-jektiń mańyzdylyǵy eskerile otyryp, sondaı-aq barynsha obektıvti tórelikti qamtamasyz etý maqsatynda Qazaqstannan referıler shaqyrý týraly sheshim qabyldanǵan. Tóreshilerdiń aty-jónderi jarııa etilmeı otyr. Al Match ınspektory halyqaralyq sanattaǵy burynǵy arbıtr Nıkolaı Levnıkov (Reseı) bolady.
