Fýtboldan QR Prezıdenti Kýbogy týrnıriniń saıty iske qosyldy
ASTANA. QazAqparat - 12 maýsymnan bastap QR Prezıdenti Kýbogynyń saıty - presidentcup.kz tolyqqandy jumysyn bastady, dep habarlaıdy Qazaqstan Fýtbol federatsııasynan.
Saıttan týrnırdiń maqsaty men tarıhy, VIІІ Prezıdent Kýbogynyń kúntizbesi, týrnırge qatysýshy komandalar, sonymen qatar basqa da aqparattardy alýǵa bolady. Qatysýshy komandalardyń quramy da saıtta jarııalanbaq.
Eske sala keteıik, 17 jasqa deıingi jasóspirim quramalary qatysatyn QR Prezıdenti Kýbogy 21-26 maýsym aralyǵynda Astanada ótedi. Bıyl týrnırge 8 komanda qatysady. Olardyń arasynda Qazaqstannan ózge, Ispanııa, Reseı, Belarýs, Grýzııa, Ázerbaıjan, Qyrǵyzstan jáne Tájikstan elderiniń quramalary bar.
