Fýtboldan QR Premer-lıgasy: «Qaırat» «Astanadan» 8 upaıǵa uzap ketti
NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń keıinge qaldyrylǵan 6-týr oıyny ótti. Onda «Qaırat» pen «Astana» fýtbolshylary kezdesti, dep habarlaıdy QazAqparat tilshisi.
Eki komanda týrnır kestesinde qatarlas keledi. Kósh basyndaǵy Almatynyń «Qaıratynyń» enshisinde 11 oıynnan keıin 26 upaıy bar. Al elordalyq «Astana» 21 upaımen ekinshi orynda tur. Ekeýiniń arasyndaǵy aıyrmashylyq - 5 upaı. Sondyqtan búgingi kezdesýde jeńiske jetkeni chempıondyq ataqqa bir taban jaqyndaı túsetin edi.
Oıyn barysynda «Qaırattyń» basymdyǵy baıqalyp turdy. Kezdesýdiń 24-mınýtynda Gúljigit Alyqulov almatylyq klýbty alǵa shyǵardy.
Ekinshi kezeńniń 47-mınýtynda «Qaırattyń» taǵy bir fýtbolshysy Aıbol Ábiken esepti ústemeleı tústi. Al 49-mınýtta «Astana» qorǵaýshysy Ýrosh Radakovıchtiń aóz qaqpasyna gol soǵyp aldy. Kezdesýde «Qaırat» bas júldege negizgi qarsylasynan 3:0 esebimen basym tústi.
Osylaısha týrnır kestesinde «Qaırat» «Astanadan» segiz upaıǵa uzap ketti. Komandalar endi ekinshi aınalymda taǵy bir márte sheberlik baıqasady.
Esterińizge sala ketelik, 1 qazanda elordalyq «Astana» Aqtaýdyń «Kaspııinen» 1:2 esebimen jeńilip qaldy.
