Fýtboldan QR quramasy 2022 jyly Ulttar lıgasynyń jarystaryna qatysady
NЬON. QazAqparat - Shveıtsarııanyń Non qalasynda 2022/2023 jylǵy maýsymdaǵy ÝEFA Ulttar lıgasynyń jerebesi tartyldy, dep habarlaıdy QazAqparat Qazaqstan fýtbol federatsııasyna silteme jasap.
Keler jyldyń 24 jáne 29 naýryzynda ótpeli matchta Qazaqstan Moldova quramasyn jeńip ótetin bolsa, onda quramamyz S lıgasynda qala beredi.
Osyǵan oraı Shveıtsarııanyń Non qalasynda ótken jerebe tartý rásiminde Qazaqstan quramasyna Slovakııa, Belarýs jáne Ázerbaıjan quramalary qarsylas bolyp shyqty.
Al eger Qazaqstan quramasy eki oıynnyń qorytyndysynda Moldovaǵa jol beretin bolsa onda D lıgasynda óner kórsetetin bolady. Ondaı jaǵdaı oryn alǵan kezde bizdiń komandamyzǵa Lıhtenshteın, Andorra jáne Latvııa quramalary qarsylas bolady.
Toptyq kezeńniń matchtary 2022 jyldyń maýsym aıynda bastalady.
