Fýtboldan QR chempıonaty: «Qaırat» kósh sońynda kele jatqan komandadan jeńildi
NUR-SULTAN. QazAqparat - Búgin, 23 sáýirde fýtboldan Premer-lıga komandalary arasyndaǵy el birinshiliginde Almatynyń «Qaıraty» syrt alańda «Atyraýdan» jeńilip qaldy, dep habarlaıdy QazAqparat tilshisi.
Atyraýlyq klýb buǵan deıin nebári eki upaımen týrnır kestesinde kósh sońynda kele jatqan bolatyn. Al «Qaırat» úzdik úshikte turǵan edi. Alty týrdan keıin úsh jeńis, úsh teń nátıjege qanaǵat bildirgen olar, 12 upaıdy enshiledi.
Búgingi kezdesýde 47-mınýtta atyraýlyq Jasulan Qaıyrkenov soqqan jalǵyz gol alań ıelerine jeńis syılady. Atyraýlyq klýb qarsylasyn 1:0 esebimen tize búktirdi. Birinshilik barysynda «Atyraý» alǵashqy jeńisine qol jetkizse, «Qaırat» tuńǵysh ret qarsylasyna ese jiberdi.
Týrnır kestesinde «Qaırat» 12 upaımen úzdik úshtikten tórtinshi orynǵa tómen tústi. «Astana» olardan bes upaıǵa uzap ketti.
Buǵan deıin eki oıynnyń nátıjesi belgili boldy. Týrnır kestesinde ekinshi orynda kele jatqan «Taraz» syrt alańda Aqtaýdyń «Kaspıı» klýbyna 0:1 esebimen ese jiberdi. Elordalyq «Astana» dál osy eseppen Qaraǵandynyń «Shahterin» tize búktirdi.
