Fýtboldan QR chempıonaty: «Astana» men «Tobyl» teń túsip, «Qaırat» jeńiske jetti
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on besinshi týry máresine jetti, dep habarlaıdy QazAqparat tilshisi.
Búgin úsh oıyn ótkizildi. Onyń ekeýinde teń oıyn tirkelse, bireýinde qarsylastar arasynda jeńimpaz anyqtaldy.
Jankúıerler elordada ótken «Astana» men «Tobyl» oıynyna kóz tikkeni anyq. Týrnır kestesinde alǵashqy eki orynda turǵan komandalar teketiresinde kimniń jeńetini qyzyq bolatyn. Degenmen qos komanda 1:1 esebine qanaǵat bildirdi.
Aldymen 29-mınýtta «Tobyl» sapynan Nemanıa Nıkolıch esep ashsa, oǵan 44-mınýtta Marın Tomasov tarazy basyn teńestirdi.
Al «Qaırat» syrt alańda «Tarazdy» 2:0 esebimen basym tústi. Ony Vagner Lav 11, Artýr Shýshenachev 67-mınýttarda óziniń enshisine jazdy.
Al «Qaısar» men «Turan» kezdesýinde esep ashylǵan joq.
Eske salsaq, atalǵan týrdaǵy tórt oıyn keshe, 12 maýsymda ótkizildi. Syrt alańda «Kaspıı» «Jetisýdy», «Ordabasy» «Aqjaıyqty», «Shahterdi», óz alańynda «Aqtóbe» men «Atyraýdy» 1:0 esebimen tize búktirdi.
Endi on altynshy týr oıyndary 18 jáne 19 maýsym kúnderi ótkiziledi.
