Fýtboldan QR birinshiligi: «Maqtaral» «Baıqońyrmen» jolyqty
ShYMKENT. QazAqparat - Maqtaralda fýtboldan Qazaqstan birinshiligi aıasynda kezekti match ótti.
Qazaqstan fýtbol federatsııasy kásipqoı fýtbol lıgasy uıymdastyrǵan jarysta jergilikti «Maqtaral» komandasy Qyzylordanyń «Baıqońyrymen» kezdesti, dep habarlaıdy QazAqparat HAA tilshisi.
Teńbil dop sheberleriniń tartysy aýdandaǵy Qajymuhan Muńaıtpasov atyndaǵy ortalyq stadıonda ótti. El chempıonatynyń birinshi lıgasy - 8-shi týr oıynynda alǵashqy goldy alań ıeleri saldy. Qyzylordalyq fýtbolshylar da aıanyp qalǵan joq. Artynsha bir gol soǵyp, upaı teńestirdi. Bul maqtaraldyqtardy qamshylaı tústi. Ekinshi gol salýdyń múmkindigi týdy. Oıynshylar osylaısha taǵy bir upaı qosty. Jasyl alańdaǵy tartysty dodada 3-shi goldy da «Maqtaraldyqtar» saldy. Esep - 2:1.
Fýtbol lıgasynda alań ıeleri 2-shi orynǵa kóterildi. «Maqtaral» komandasy endi Qaraǵandy qalasynyń syrt alańynda ótetin «Shahter-Bolat» komandasyna qonaqqa barady.
Aıta keteıik, «Maqtaral» fýtbol klýbynyń aýdanǵa jeńis syılap kele jatqanyna bıyl 6 jyl boldy.
