Fýtboldan QR birinshiligi: Búgin segizinshi týr oıyndary bastalady
NUR-SULTAN. QazAqparat - Búgin, 28 sáýirde fýtboldan Premer-lıga komandalary arasyndaǵy el birinshiliginiń cegizinshi týry bastalady, dep habarlaıdy QazAqparat tilshisi.
Oıyndar 28 jáne 29 sáýir kúnderine belgilengen. Alǵashqy kúni tórt jup kezdesse, ekinshi kúninde úsh match ótedi.
28 sáýirde 15.00-de «Kaspıı» (Aqtaý) jáne «Tobyl» klýbtary atalǵan týrdyń shymyldyǵyn túredi. Odan keıin 17.00-de «Astana» (Nur-Sultan) men «Aqjaıyq» (Oral), 18.00-de «Taraz» ben «Aqtóbe» komandalary kezdesedi. Al 20.00-de «Turan» (Túrkistan) men «Atyraý» arasynda kezdesý ótedi.
Al 29 sáýirde 16.00-de «Jetisý» (Taldyqorǵan) men «Shahter» (Qaraǵandy), 19.00-de «Qaırat» (Almaty) pen «Ordabasy» (Shymkent) komandalary sheberlik baıqasady. Jetinshi týrdy «Qaısar» (Qyzylorda) men «Qyzyljar» (Petropavl) komandalary túıindeıdi.
Jeti týrdan keıin týrnır kestesinde «Astana» 17 upaımen kósh bastap tur. Odan keıingi oryndardaǵy «Tobyldyń» 15, «Tarazdyń» 14 upaıy bar.
