Fýtboldan QR áıelder quramasynyń bas jattyqtyrýshysy E.Pýsıkov pen jastar quramasynyń aǵa jattyqtyrýshysy I.Melanıch qyzmetterinen bosatyldy
ALMATY. Qazannyń 30-y. QazAqparat /Elena Ilınskaıa/ - Qazaqstan fýtbol Federatsııasynyń atqarýshy komıteti Qazaqstannyń ulttyq áıelder quramasynyń bas jattyqtyrýshysy Evgenıı Pýsıkov pen Qazaqstan jastar quramasynyń aǵa jattyqtyrýshysy Ilıa Melanıchti qyzmetterinen bosatý týraly sheshim qabyldady,
dep habarlaıdy «Qazaqstan Fýtbol federatsııasy» Qaýymdastyǵynyń» baspasóz qyzmeti.
«I.Melanıchti qyzmetinen bosatý týraly sheshim onyń komanda aldyndaǵy mindetterdi oryndaı almaýymen baılanysty, ıaǵnı 2010-2011jyldardaǵy Eýropa chempıonatynyń irikteý týrnırine komandanyń óte almaýymen baılanysty. E.Pýsıkov 2010 jylǵy álem chempıonatynyń irikteý týrynda áıelder komandasynyń tómen kórsetkishke ıe bolǵany úshin qyzmetten bosatylady. Bosaǵan qyzmet oryndaryna biz jańa jattyqtyrýshylar izdep jatyrmyz», - dedi atqarýshy komıtettiń sheshimine túsinikteme bergen Qazaqstan Fýtbol federatsııasynyń vıtse-prezıdenti Vıktor Katkov.
