Fýtboldan Konferentsııa lıgasy: «Astana» «Vıktorııa Plzenge» ese jiberdi

Búgin «Astana» fýtbol klýby Konferentsııa lıgasynyń toptyq kezeńinde ekinshi oıynyn ótkizip, Chehııanyń «Vıktorııa Plzen» komandasymen kezdesti, dep habarlaıdy QazAqparat tilshisi.

Elordada ótken matchtyń birinshi kezeńinde eki komanda oıynshylary jıi shabýylǵa shyqty. Dese de tablodaǵy esepke ózgeris engen joq.

Ekinshi kezeńde «Astana» shabýylshysy Marın Tomasov 51-mınýtta tepken dop qaqpa torynda týlap jatty. Bul esep kóp saqtalǵan joq. Chehııalyq komanda sapynan Tomash Hory – 54, Lýkash Kalvah 56-mınýtta eki gol soǵyp ketti.

Osylaısha «Astana» qarsylasyna 1:2 esebimen jol berdi.

Astanalyq klýb endi aldaǵy oıynyn 26 qazanda syrt alańda «Balkanı» (Kosovo) komandasyna qarsy ótkizedi.

Aıta ketsek, alǵashqy týrda «Astana» Horvatııanyń «Dınamo Zagreb» komandasyna 1:5 esebimen ese jiberdi.

Sondaı-aq atalǵan topta «Balkanı» (Kosovo) jáne «Dınamo Zagreb» (Horvatııa) komandalary kezdesedi.