Fýtboldan Konferentsııa lıgasyndaǵy qazaqstandyq komandalar oıyndaryn qaıdan kórýge bolady
NUR-SULTAN. QazAqparat - Fýtboldan UEFA Konferentsııa lıgasy úshinshi irikteý satysynda búgin, 11 tamyzda «Tobyl» jáne «Qyzyljar» komandalary qarymta oıyn ótkizedi, dep habarlaıdy QazAqparat tilshisi.
Aldymen petropavldyq «Qyzyljar» elordada Kıprdiń APOEL komandasymen kezdesedi. Oıynnyń bastalýy elorda ýaqytymen 19:30-ǵa belgilengen.
Petropavldyń «Qyzyljar» jáne Kıprdiń APOEL klýby arasyndaǵy kezdesýde germanııalyq Danıel Zıbert bas tóreshi qyzmetin atqarady. Oǵan otandastary ıAn Zaıdel men Rafael Foltın kómekshi bolady. Qosalqy tóreshi de sol eldiń ókili Danıel Shlager.
Atalǵan oıyn «Qazsport» telearnasynan tikeleı efırde kórsetiledi.
Taǵy bir kezdesýde Qostanaıdyń «Tobyly» óz alańynda Bosnııa jáne Gertsogovınanyń «Zrınskı» klýbyn qabyldaıdy.
Kezdesý elorda ýaqytymen 20:00-ge belgilengen.
Al Qostanaıda ótetin «Tobyl» men Bosnııa jáne Gertsogovınanyń «Zrınskı» komandalary kezdesýine belgııalyq Natan Verboomen bas tóreshi bolady. Onyń kómekshileri de sol elden kelgen Matıas Hıllart pen Rýben Vıns. Qosalqy tóreshi ıAn Boterberg te Belgııadan keledi.
Atalǵan qazaqstandyq komandalar syrt alańda ótken eki oıynda da qarsylastaryna ese jiberdi.
Jankúıerler kezdesýdi «Qazsport» saıtynan tikeleı efırde kóre alady.
Eske salsaq, budan buryn Konferentsııa lıgasy ekinshi irikteý satysynda «Tobyl» jáne «Qyzyljar» jeńiske jetip, «Astana» jáne «Qaırat» jarys jolynan shyǵyp qaldy.
