Fýtboldan Konferentsııa lıgasyndaǵy qazaqstandyq klýbtardyń oıynyna tóreshi belgilendi
NUR-SULTAN. QazAqparat - Fýtboldan UEFA Konferentsııa lıgasy úshinshi irikteý satysyndaǵy qazaqstandyq komandalardyń qatysýymen ótetin qarymta oıyndarǵa tóreshiler quramy belgili boldy, dep habarlaıdy QazAqparat tilshisi.
Petropavldyń «Qyzyljar» jáne Kıprdiń APOEL klýby arasyndaǵy kezdesýde germanııalyq Danıel Zıbert bas tóreshi qyzmetin atqarady. Oǵan otandastary ıAn Zaıdel men Rafael Foltın kómekshilik jasaıdy. Qosalqy tóreshi de sol eldiń ókili Danıel Shlager.
Aıta ketsek, atalǵan kezdesý 11 tamyzda elordadaǵy «Astana-Arena» stadıonynda ótkiziledi. Bastalýy - saǵat 19:30.
Alǵashqy oıynda petropavldyq komanda qarsylasyna 0:1 esebimen ese jiberip qoıdy.
Al Qostanaıda ótetin «Tobyl» men Bosnııa jáne Gertsogovınanyń «Zrınskı» komandalary kezdesýine belgııalyq Natan Verboomen bas tóreshi bolady. Onyń kómekshileri de sol elden kelgen Matıas Hıllart pen Rýben Vıns. Qosalqy tóreshi ıAn Boterberg te Belgııadan keledi.
Qarymta kezdesý 11 tamyzda elorda ýaqytymen 20:00-de Ortalyq stadıonda bastalady.
Alǵashqy oıyn 1:0 esebimen «Zrınskı» klýbynyń basymdyǵymen aıaqtaldy.
