Fýtboldan Konferentsııa lıgasynda «Vest Hem ıÝnaıted» pleı-offqa shyqty
ASTANA. QazAqparat - Búgin UEFA Konferentsııa lıgasy toptyq kezeńiniń tórtinshi týry máresine jetti, dep habarlaıdy QazAqparat tilshisi.
Atalǵan týrda V tobynda Anglııanyń «Vest Hem ıÝnaıted» komandasy taǵy da jeńiske jetti. Bul joly aǵylshyndyq klýb óz alańynda Belgııanyń «Anderlehtin» 2:1 esebimen tize búktirdi.
Osylaısha tórt oıynda upaı joǵaltpaǵan «Vest Hem ıÝnaıted» pleı-off satysyna joldamaǵa erterek qol jetkizdi.
Sondaı-aq, atalǵan topta Rýmynııanyń FKSB klýby Danııanyń «Cılkeborg» komandasyna 0:5 esebimen jol berdi. Saldarynan olar nebári bir ǵana upaımen týrnır kestesinde tórtinshi oryndy mise tutyp tur.
Atalǵan týrdaǵy barlyq oıyn nátıjesi tómendegishe:
A toby: «Fıorentına» (Italııa) - «Harts» (Shotlandııa) 5:1, «Istanbýl Bashakshehır» (Túrkııa) - RFSh (Latvııa) 3:0
V toby: «Vest Hem ıÝnaıted» (Anglııa) - «Anderleht» (Belgııa) 2:1, FKSB (Rýmynııa) - «Cılkeborg» (Danııa) 0:5
S toby: «Hapoel Bezr-Sheva» (Izraıl) - «Leh» (Polsha) 1:1, «Aýstrııa» (Avstrııa) - «Vılıaıareal» (Ispanııa) 0:1
D toby: «Nıtstsa» (Frantsııa) - «Slovatsko» (Chehııa) 1:2, «Partızan» (Serbııa) - «Keln» (Germanııa) 2:0
E toby: «Vadýts» (Lıhtenshteın) - «Dnepr» (Ýkraına) 1:2, «Apollon» (Kıpr) - «AP Alkmaar» (Nıderlandy) 1:0
F toby: «Shemrok Rovers» (Irlandııa) - «Molde» (Shvetsııa) 0:2, «ıÝrgorden» (Shvetsııa) - «Gent» (Belgııa) 4:2
G toby: «Balkanı» (Kosovo) - «Sıvasspor» (Túrkııa) 1:2, ChFR(Rýmynııa) - «Slavııa Praga» (Chehııa) 2:0
H toby: «Jalgırıs» (Lıtva) - «Pıýnık» (Armenııa) 2:0, «Slovan» (Slovakııa) - «Bazel» (Shveıtsarııa) 2:1
Endi tórtinshi týr oıyndary 27 qazan kúni ótkiziledi.
Eske salsaq, budan buryn fýtboldan Eýropa lıgasynda «Arsenal» norvegııalyq klýbty jeńdi.
Foto: whufc.com
