Fýtboldan Konferentsııa lıgasynda Tobyl jeńip, Qaırat qarsylasyna ese jiberdi

NUR-SULTAN. QazAqparat - Fýtboldan UEFA Konferentsııa lıgasy ekinshi irikteý satysyndaǵy qazaqstandyq komandalar qatysýymen ótken taǵy eki oıynnyń nátıjesi belgili boldy, dep habarlaıdy QazAqparat tilshisi.

Alǵashqy kezdesýde Almatynyń «Qaıraty» óz alańynda vengrııalyq «Kıshvarda» komandasyn qabyldady.

Oıyn barysynda eki komanda bir-birine laıyqty qarsylyq kórsetti. Bir-birine alma-kezek shabýyl jasady. Degenmen mol múmkindikterdi paıdalana alǵan joq.

Ekinshi kezeńde vengrııalyq komandadan ıAsır Asanı 82-mınýtta gol soǵyp ketti. Osylaısha «Qaırat» qarsylasyna 0:1 esebimen ese jiberdi.

Taǵy bir kezdesýde qostanaılyq «Tobyly» óz alańynda Gıbraltardyń «Lınkoln Red Imps» komandasymen sheberlik baıqasty.

Birinshi kezeńde oıyn tizgini negizinen alań ıeleriniń qolynda boldy. Kóptegen sátterde qazaqstandyq klýb fýtbolshylarynda dáldik jetispeı jatty.

Ekinshi kezeńniń 65-mınýtynda «Tobyl» oıynshysy Aıbar Jaqsylyqov qarsylastar qaqpashysyn qapy qaldyrdy.

Al qostanaılyq klýbtan Serj Deble 89-mınýtta esepti ústemeleı tústi.

Alǵashqy kezdesýinde «Tobyl» qarsylasynan 2:0 esebimen basym tústi.

Endi 00:50-de qazaqstandyq «Astana» syrt alańda polshalyq «Rakýv» komandasyna qarsy shyǵady.

Eske salsaq, budan buryn «Qyzyljar» horvatııalyq «Osıek» komandasynan 1:2 esebimen jeńilip qaldy .

Foto: sports.kz