Fýtboldan Konferentsııa lıgasynda «Astana» «Rakývtan» oısyraı jeńildi
NUR-SULTAN. QazAqparat - Qazaqstandyq «Astana» UEFA Konferentsııa lıgasynyń ekinshi irikteý satysyndaǵy alǵashqy oıynyn syrt alańda Polshanyń «Rakýv» komandasyna qarsy ótkizdi, dep habarlaıdy QazAqparat tilshisi.
Kezdesýdi alań ıeleri belsendi bastady. Nátıjesinde olardyń qatarynan Ivan Lopes 4-mınýtta esep ashyp ketti. Budan keıin qazaqstandyq komanda tarazy basyn teńestirýge umtyldy. Degenmen oılaǵan maqsatyna jete almaı jatty.
Birinshi kezeńniń 21-mınýtynda «Rakýv» oıynshysy Deıan Soreský qyzyl qaǵaz alyp, alańnan qýyldy. Osydan soń «Astana» basymdyqty arttyrǵan sekildi edi. Polshalyq klýb negizinen qorǵanysqa kóńil bóldi.
Oıynnyń 41-mınýtynda «Rakýv» sapynan Mateýsh Vdovıak elordalyq komanda qaqpashysyn qapy qaldyryp, esepti ústemeleı tústi.
Al polshalyq komandada Vladıslav Gýtkovskıı – 65, Vladıslav Kochergın 76-mınýttarda gol soqty.
Sondaı-aq 95-mınýtta elordalyq komanda qaqpasyna belgilengen penaltıden Fran Týdor múlt ketken joq.
Osylaısha «Astana» qarsylasyna 0:5 esebimen jeńilip qaldy.
Qarymta oıyn 28 shildege belgilengen.
Eske salsaq, 21 shildede atalǵan týrnırde Petropavldyń «Qyzyljary» horvatııalyq «Osıek» komandasynan 1:2 esebimen jeńilip qaldy.
Sondaı-aq «Tobyl» jeńip, «Qaırat» qarsylasyna ese jiberdi.
