Fýtboldan Konferentsııa lıgasy: «Shahterdiń» búgingi oıynyn qaıdan kórýge bolady
NUR-SULTAN. QazAqparat - Búgin, 19 tamyzda UEFA Konferentsııa lıgasy pleı-off satysynda qazaqstandyq «Shahter» alǵashqy oıynyn ótkizedi, dep habarlaıdy QazAqparat tilshisi.
«Shahter» komandasy elordadaǵy «Astana-arena» stadıonynda Izraıldiń «Makkabı Tel-Avıv» klýbymen kezdesedi. Oǵan sebep Qaraǵandydaǵy ortalyq stadıon eýrokýboktyń atalǵan satysyndaǵy oıyndaryn qabyldaı almaıdy.
Match elorda ýaqytymen 19:00-de bastalyp. «Qazsport» telearnasynan tikeleı efırde kórsetiledi.
Konferentsııa kýbogynda budan buryn «Shahter» ekinshi irikteý satysynda Rýmynııanyń FKSB ( burynǵy ataýy «Stıaýa») klýbyn (0:1, 2:1, penaltıden 5:3) jeńdi.
Odan keıin Ýkraınanyń «Kolosyn» (0:0,0:0, penaltıden 3:1) orta jolda qaldyryp ketti. Osylaısha pleı-off satysyna joldama aldy.
«Makkabı Tel-Avıv» komandasy 1906 jyly qurylǵan. Óz elinde 22 márte chempıon atanǵan. Budan buryn Chempıondar lıgasy toptyq satysynda 2004/05, 2015/16 jylǵy kezeńderde oıyn kórsetti. Ekeýinde de tórtinshi oryndy mise tutty. Al Eýropa lıgasy toptyq satysynda bes márte baq synap, 2014, 2020 jyldarda 1/16 fınalǵa deıin jetti.
Atalǵan kezdesýde serbııalyq Srdjan Iovanovıchbas qazy qyzmetin atqarady. Oǵan otandastary Ýrosh Stoıkovıch pen Mılan Mıhaılovıch kómekshilik jasaıdy. Qosalqy tóreshi de serbııalyq Novak Sımovıch.
