Fýtboldan Konferentsııa lıgasy: «Shahter» syrt alańda ýkraınalyq komandamen teń tústi
NUR-SULTAN. QazAqparat - UEFA Konferentsııa lıgasynyń úshinshi irikteý satysynda qazaqstandyq «Shahter» syrt alańda Ýkraınanyń «Kolos» (Kovalevka) komandasymen kezdesti, dep habarlaıdy QazAqparat tilshisi.
Búgingi kezdesýde eki komanda tarysty oıyn ótkizdi. Birinshi kezeńniń bastapqy ýaqytynda ýkraındyq fýtbolshylar negizinen shabýylǵa kóńil bóldi. Birinshi kezeńniń ekinshi jartysynda qazaqstandyq komanda gol soǵatyn birneshe múmkindikti múlt jiberip aldy.
Ekinshi kezeńde de komandalar gol soǵýǵa kóbirek kóńil bóldi. Bir-biriniń qaqpasynyń mańynda jıi boı kórsetti. Dese de qaqpaǵa baǵyttalǵan soqqylar kózdegen nysanaǵa dál jetpeı jatty. Kezdesýde komandalar 0:0 esebimen teń tarqasty. Qarymta oıyn 10 tamyzda elordada ótedi.
Eske salsaq, budan buryn elordalyq «Astana» syrt alańda Fınlıandııanyń KýPS komandasymen 1:1 esebimen teń tússe, Qostanaıdyń «Tobyly» elordada Slovakııanyń «Jılına» komandasyna 0:1 esebimen jeńildi.
Sondaı-aq, Almatynyń «Qaıraty» óz alańynda Armenııanyń «Alashkertimen» 0:0 esebimen teń oınady.
