Fýtboldan Konferentsııa lıgasy: «Shahter» pleı-off satysyna shyqty
NUR-SULTAN. QazAqparat - Búgin, 10 tamyzda UEFA Konferentsııa lıgasy úshinshi irikteý satysynda qaraǵandylyq «Shahter» komandasynyń Ýkraınanyń «Kolos» komandasymen aradaǵy qarymta oıynnyń alǵashqy kezeńi aıaqtaldy, dep habarlaıdy QazAqparat tilshisi.
Birinshi kezeńde komandalar shabýylǵa kóbirek kóńil bóldi. Ýkraınalyq fýtbolshylar jyldam soǵý múmkindigin izdedi. Dese de qazaqstandyq klýb olarǵa laıyqty toıtarys berdi. Endigi bir sátterde qaraǵandylyq fýtboshylar alǵa qaraı umtyldy.
Eske salsaq, eki klýb arasyndaǵy alǵashqy kezdesý 0:0 esebimen aıaqtalǵan bolatyn. Sondyqtan búgin eki komandanyń biri jeńiske jetýi tıis edi.
Ekinshi kezeńde de komandalar shabýyldy arttyra tústi. Osy maqsatta qazaqstandyq shabýylshylar Aıdos Táttibaev pen Oralhan Ómirtaev alańǵa shyqty.
Negizgi kezeńde esep ashylǵan joq. Esep 0:0. Qosymsha kezeńde de qarsylastar bir-biriniń qaqpasynan sańylaý taba almady. Penaltı tebýde «Shahterdiń» joly bolyp, pleı-off satysyna joldama aldy.
Bul juptyń jeńimpazy pleı-off satysynda «Makkabı Tel-Avıv» (Izraıl) pen «Spartak Trnava» (Slovakııa) jubynyń jeńimpazymen kezdesedi.
Al «Shahter» ekinshi irikteý satysynda Rýmynııanyń FKSB ( burynǵy ataýy «Stıaýa») klýbyn (0:1, 2:1, penaltıden 5:3) jeńdi.
