Fýtboldan Konferentsııa lıgasy: Qazaqstandyq klýbtardyń kelesi yqtımal qarsylastary anyqtaldy
NUR-SULTAN. QazAqparat - Búgin Shveıtsarııanyń Non qalasynda qazaqstandyq klýbtardyń qatysýymen ótip jatqan fýtboldan Konferentsııa lıgasy pleı-off satysynyń jerebesi tartyldy, dep habarlaıdy QazAqparat tilshisi.
Atalǵan shara barysynda elimizdiń qostanaılyq «Tobyl» men petropavldyq «Qyzyljar» yqtımal qarsylastary belgili boldy.
«Tobyl» pleı-off satysynda «Olımpıakos» (Grekııa) jáne «Slovan» (Slovakııa) jubynyń jeńimpazymen oınaıdy.
«Qyzyljar» pleı-off satysyna shyqqan jaǵdaıda «Sepsı» (Rýmynııa) jáne «ıÝrgorden» (Shvetsııa) jubynyń jeńimpazymen kezdesedi. Oıyndar 18 jáne 25 tamyz kúnderine belgilengen.
Aıta ketsek, Konferentsııa lıgasy úshinshi irikteý satysynda 4 jáne 11 tamyz kúnderi «Tobyl» Bosnııa jáne Gertsogovınanyń «Zrınskı», «Qyzyljar» Kıprdiń APOEL komandalarymen kezdesedi.
Eske salsaq, ekinshi irikteý satysynda qostanaılyq komanda Gıbraltardyń «Lınkoln Red Imps» (2:0, 1:0), «Qyzyljar» Horvatııanyń «Osıek» (2:0, 1:2) orta jolda qaldyryp ketti.
Al elordalyq «Astana» Polshanyń «Rakýv» klýbyna (0:5, 0:1), Almatynyń «Qaıraty» Vengrııanyń «Kıshvarda» klýbyna (0:1, 0:1) jol berip qoıdy.
Foto: www.sports.kz
