Fýtboldan Konferentsııa lıgasy: «Qaırat» toptyq kezeńge shyǵa ala ma
NUR-SULTAN. QazAqparat - Búgin, 19 tamyzda UEFA Konferentsııa lıgasy pleı-off satysynda qazaqstandyq «Qaırat» alǵashqy oıynyn ótkizedi, dep habarlaıdy QazAqparat tilshisi.
Almatylyq klýb atalǵan kezdesýin elorda ýaqytymen 23.30-da syrt alańda Lıýksembýrgtiń «Fola» komandasyna qarsy ótkizedi.
Oıyn Esh-sıýr-Alzett qalasyndaǵy «Jozı Bartel» stadıonynda bolady.
Kezdesýge portýgalııalyq Fabıý Verıssımý bas qazy bolady. Oǵan otandastary Pedrý Almeıda men Pedrý Martınsh kómekshilik jasaıdy. Qosalqy tóreshi de portýgalııalyq Antonıý Nobre.
«Fola» klýby 1906 jyly qurylǵan. Óz elinde 8 márte chempıon atanǵan. Buǵan deıin Chempıondar lıgasy jáne Eýropa lıgasy irikteý kezeńinde birneshe márte baq synaǵan. Eýropa lıgasy 2017/18 jylǵy kezeńinde úshinshi irikteý satysyna deıin jetti.
Bıyl eýrokýbokta «Fola» aldymen Chempıondar lıgasy birinshi irikteý satysynda Gıbraltardyń «Lınkoln Red Imps» (2:2, 0:5) klýbyna jol berip qoıdy. Odan keıin Konferentsııa lıgasy ekinshi jáne irikteý satylarynda Belarýstiń «Shahter» (1:0, 2:1) jáne Soltústik Irlandııanyń «Lınfıld» (2:1, 2:1) klýbtaryn jarys jolynan shyǵardy.
Al «Qaırat» aldymen Chempıondar lıgasy birinshi irikteý satysynda Izraıldiń «Makkabı Haıfa» klýbynan (1:1, 2:0) basym tústi. Odan keıin Serbııanyń «Tsrvena Zvezda» klýbyna (2:1, 0:5) jol berip qoıdy.
Eýropa lıgasy úshinshi irikteý satysynda «Qaırat» Armenııanyń «Alashkertine» (0:0, 2:3) ese jiberdi.
Aıta ketelik, búgin Konferentsııa lıgasy pleı-off satysynda Qaraǵandynyń «Shahteri» elordada Izraıldiń «Makkabı Tel-Avıv» klýbymen kezdesedi.
