Fýtboldan Konferentsııa lıgasy: «Qaırat» «Omonııamen» teń tústi
NUR-SULTAN. QazAqparat - Búgin fýtboldan UEFA Konferentsııa lıgasynda qazaqstandyq «Qaırat» syrt alańda Kıprdiń «Omonııa» komandasymen kezdesti, dep habarlaıdy QazAqparat tilshisi
«Qaırat» H tobynda synǵa tústi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.
Buǵan deıin almatylyq klýb óz tobynda bes oıyn ótkizdi. Alǵashqy týrda «Omonııamen» teń túsip, qalǵanynda qarsylastaryna ese jiberdi.
Eki komanda da jarysty jalǵastyrý múmkindiginen erterek qol úzgen edi.
Sondyqtan qaısysy jeńiske jetse de eýrokýbok oıyndaryn erterek aıaqtaıtyn.
Kezdesý barysynda komandalar shabýylǵa kóbirek kóńil bóldi. Degenmen múmkindikterin múlt jiberip jatty.
Birinshi kezeńniń sońyna taman «Omonııa» qaqpasyna belgilengen penaltıdi Joao Poalo paıdalana alǵan joq.
Ekinshi kezeńde de komandalar gol soǵý múmkindigin qarastyrdy. Degenmen tablodaǵy esep ózgergen joq. Oıyn 0:0 esebimen teń aıaqtaldy.
Atalǵan topta «Bazel» jáne «Karabah» jarystyń kelesi satysyna joldama aldy.
