Fýtboldan konferentsııa lıgasy: «Qaırat» «Karabahqa» ese jiberdi
NUR-SULTAN. QazAqparat - Fýtboldan UEFA konferentsııa lıgasy toptyq kezeńiniń tórtinshi týrynda qazaqstandyq «Qaırat» Almatyda Ázerbaıjannyń «Karabah» komandasyna ese jiberdi, dep habarlaıdy QazAqparat tilshisi.
Búgingi oıynda qos komanda jeńiske jetý jolyn izdedi. Degenmen birinshi kezeńde tablodaǵy esep ózgergen joq.
Ekinshi kezeńde 57-mınýtta ázerbaıjandyq komandadan Ibraım Vadjı esep ashsa, odan keıin almatylyq klýbtan Hose Kante tarazy basyn teńestirgen edi.
Al 72-mınýtta Abdella Zýbır «Karabahty» qaıtadan alǵa shyǵardy.
«Qaırat» qarsylasyna 1:2 esebimen ese jiberdi.
Endi «Qaırat» aldaǵy oıynyn 25 qarashada Almatyda Shveıtsarııanyń «Bazel» komandasyna qarsy ótkizedi.
«Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.
Alǵashqy úsh týrda «Qaırat» komandasy nebári bir upaı jınady. Aldymen óz alańynda Kıprdiń «Omonııasymen» 0:0 esebimen teń tústi.
Odan keıin syrt alańda Shveıtsarııanyń «Bazel» klýbyna 2:4, Ázerbaıjannyń «Karabah» 1:2 esebimen ese jiberdi.
