Fýtboldan Konferentsııa kýbogynda «Qyzyljar» «APOEL» komandasyna jol berdi
NUR-SULTAN. QazAqparat - Fýtboldan UEFA Konferentsııa lıgasy úshinshi irikteý satysynda Petropavldyń «Qyzyljary» Kıprdiń «APOEL» komandasymen qarymta oıyn ótkizdi, dep habarlaıdy QazAqparat tilshisi.
Alǵashqy mınýttan «Qyzyljar» quramynda Lobantsev, Tapalov, Gýrman, Karshakevıch, Mýjek, Býshman, Martıns, Kone, Podıo, Lobjanıdze, ıAkovlev oıyn kórsetti.
Kezdesý barysynda komandalar bir-biriniń qaqpasy mańynda jıi shabýyl jasady. Ekeýiniń tablodaǵy esepti ózgertetin múmkindigi bolǵan edi. Degenmen, ony durys paıdalana alǵan joq.
Kezdesýde komandalar 0:0 esebine qanaǵat bildirdi.
Alǵashqy kezdesýde kıprlik klýb 1:0 esebimen jeńiske jetti. Eki oıynnyń nátıjesimen olar pleı-off satysyna joldama aldy .
Dál qazir Qostanaıda «Tobyl» men Bosnııa jáne Gertsogovınanyń «Zrınskı» klýbynyń kezdesýi ótip jatyr. Esep 1:1. Alǵashqy kezdesýde bosnııalyq komanda 1:0 esebimen jeńiske jetken edi.
Aıta ketsek, «APOEL» komandasy 1926 jyly qurylǵan. Óziniń elinde 28 márte chempıondyq ataqty jeńip aldy. Buǵan deıin eýrokýbok oıyndarynda qazaqstandyq komandalarmen jeti márte kezdesti. Onyń altaýynda elordalyq «Astanamen» sheberlik baıqasty.
Aldymen 2015/16 jylǵy kezeńde Chempıondar lıgasy tórtinshi irikteý satysynda olarǵa (0:1, 1:1) jol berdi. Odan keıin 2016/17 jylǵy kezeńde Eýropa lıgasynda V tobynda eki oıynda (2:1,1:2) bir-bir márteden jeńiske jetti. Al 2018/19 jylǵy kezeńde Eýropa lıgasy tórtinshi irikteý satysynda (1:0, 0:1 penaltıden 1:2) taǵy da jeńildi.
«APOEL» buǵan deıin «Astana arena» stadıonynda qazaqstandyq klýbtardy jeńip kórgen emes. Bul joly da sol sátsizdikten aınalyp óte alǵan joq.
Foto: sports.kz
