Fýtboldan Konferentsııa kýbogy: Qazaqstan klýbtarynyń qarsylasy anyqtaldy
NUR-SULTAN. QazAqparat - Búgin, 16 maýsymda Shveıtsarııanyń Non qalasynda UEFA Konferentsııa kýbogy ekinshi kezeńiniń jerebesi tartyldy, dep habarlaıdy QazAqparat tilshisi.
Aıta ketsek, atalǵan týrnır bıyl tuńǵysh ret ótkizilmek.
Oǵan UEFA reıtınginde 24-orynnan tómen ornalasqan komandalar qatysady.
Týrnırge bıyl Qazaqstannan Qostanaıdyń «Tobyl», elordalyq «Astana» jáne Qaraǵandynyń «Shahter» komandalary qatysady.
Alǵashqy kezdesýinde «Tobyl» Horvatııanyń «Haıdýk», «Astana» Grekııanyń «Arıs», «Shahter» Rýmynııanyń «Stıaýa» klýbtarymen sheberlik baıqasady.
Oıyndar 22 jáne 29 maýsym kúnderine belgilengen.
Eske salsaq. budan buryn Almatynyń «Qaırat» komandasy UEFA Chempıondar lıgasy birinshi irikteý kezeńinde Izraıldiń «Makkabı» (Haıfa) klýbymen kezdesetini habarlandy.
