Fýtboldan Konferentsııa kýbogy: «Astana» teń túsip, «Tobyl» jeńildi
NUR-SULTAN. QazAqparat - UEFA Konferentsııa lıgasynyń úshinshi irikteý satysynda qazaqstandyq klýbtardyń qatysýymen ótken taǵy eki oıynnyń nátıjesi belgili boldy, dep habarlaıdy QazAqparat tilshisi.
Qostanaıdyń «Tobyly» elordada Slovakııanyń «Jılına» komandasyn qabyldady. Bul kezdesý tartysty órbidi.
«Jılına» sapynan 27-mınýtta Mıroslav Gono esep ashty. Degenmen odan keıin qazaqstandyq klýb tarazy basyn teńestirýge umtyldy.
Atalǵan klýb 1908 jyly qurylǵan. Óz elinde jeti márte chempıon atandy. Sońǵy ret bul ataqqa 2017 jyly qol jetkizdi. Byltyr kúmis júldeger boldy. 2010/11 jylǵy kezeńde Chempıondar lıgasy toptyq kezeńinde oıyn kórsetti.
Kezdesýde «Tobyl» qarsylasyna 0:1 esebimen ese jiberdi.
Taǵy bir kezdesýde elordalyq «Astana» syrt alańda Fınlıandııanyń KýPS klýbymen sheberlik baıqasty. Atalǵan kezdesýde alań ıeleri qatarynan Anekpeno Ýdo 54-mınýtta mergendik tanytty.
Oıynnyń 94-mınýtynda elordalyq klýbtan Eneo Bıtrı tarazy basyn teńestirip ketti.
Kezdesý 1:1 esebimen teń aıaqtaldy.
KýPS klýby 1923 jyly qurylǵan. Fınlıandııanyń alty dúrkin chempıony. Sońǵy márte 2019 jyly altynnan alqa taqty.
Qarymta kezdesý 12 tamyzǵa belgilengen.
Búgin Konferentsııa lıgasy úshinshi irikteý satysynda Qaraǵandynyń «Shahteri» syrt alańda Ýkraınanyń «Kolos» (Kovalevka) komandasymen kezdesedi.
Kezdesý elorda ýaqytymen 00:00-de bastalyp, «Qazsport» telearnasynan tikeleı efırde kórsetiledi.
Sondaı-aq, búgin Almatynyń «Qaıraty» óz alańynda Armenııanyń «Alashkertimen» 0:0 esebimen teń oınady.
