Fýtboldan klýbtar arasyndaǵy álem chempıonatynda «Bavarııa» jeńimpaz atandy
NUR-SULTAN. QazAqparat - Katar elinde fýtboldan klýbtar arasyndaǵy álem chempıonatynyń jeńimpazy anyqtaldy, dep habarlaıdy QazAqparat tilshisi.
Búgin fınalda Germanııanyń «Bavarııa» jáne Meksıkanyń «ÝANL Tıgres» komandalary kezdesti. Oıyn barysy tartysty órbidi. Nemis fýtbolshylary tizgindi óz qolynda ustaýǵa tyrysty.
Birinshi kezeńde komandalar bir-biriniń qaqpasynan sańylaý taba alǵan joq. Ekinshi kezeńniń 59-mınýtynda «Bavarııa» oıynshysy Benjamen Pavar ashyq qalǵan qaqpaǵa dopty týra baǵyttady. Kezdesýde nemis klýby 1:0 esebimen basym tústi.
«Bavarııa» budan buryn mundaı jetistikke 2013 jyly qol jetkizdi. Ol joly fınalda Marokkonyń «Radja» komandasyn 2:0 esebimen tize búktirgen edi.
Úshinshi oryn úshin saıysta Egıpettiń «Al Ahlı» jáne Brazılııanyń «Palmeıras» komandalary negizgi jáne qosymsha kezeńde 0:0 esebimen teń aıaqtaldy. Penaltıde egıpettik fýtbolshylar 3:2 esebimen basym tústi.
Atalǵan dop dodasy 2000 jyldan beri turaqty túrde ótkizilip keledi. Búgingi kúnge deıin 16 márte uıymdastyryldy. Chempıondyq ataqqa Ispanııanyń «Real Madrıd» 4, «Barselona» 3, Brazılııanyń «Korıntıans» 2, «Internasonal», «San-Paýlý», Anglııanyń «Lıverpýl», «Manchester ıÝnaıted», Italııanyń «Mılan» «Inter» jáne Germanııanyń «Bavarııa» komandalary ıe boldy.
2019 jyly «Lıverpýl» komandasy jeńimpaz atanǵan bolatyn. Ótken jyly dop dodasy koronavırýs ınfektsııasyna baılanysty ótkizilmeı, bıylǵa aýystyrylǵan bolatyn.
2021 jylǵy klýbtar arasyndaǵy álem chempıonaty Japonııada jeltoqsan aıynda ótkiziledi dep josparlanǵan.
