Fýtboldan klýbtar arasyndaǵy álem chempıonaty Japonııada ótedi
NUR-CULTAN. QazAqparat - Fýtboldan klýbtar arasyndaǵy álem chempıonaty 2021 jyly Japonııada ótedi, dep habarlaıdy QazAqparat tilshisi.
Esterińizge sala ketelik, budan buryn atalǵan doda Katarda 2021 jyldyń 1-11 aqpan aralyǵynda ótkiziledi dep josparlanǵan bolatyn. FIFA basshylyǵy osy oraıda jańa sheshimge keldi. Klýbtar arasyndaǵy álem chempıonaty sol jyldyń jeltoqsanynda Japonııada bolatyny naqtylandy.
Atalǵan dop dodasy 2000 jyldan beri turaqty túrde ótkizilip keledi. Búgingi kúnge deıin 16 márte uıymdastyryldy. Chempıondyq ataqqa Ispanııanyń «Real Madrıd» 4, «Barselona» 3, Brazılııanyń «Korıntıans» 2, «Internasonal», «San-Paýlý», Anglııanyń «Lıverpýl», «Manchester ıÝnaıted», Italııanyń «Mılan» «Inter» jáne Germanııanyń «Bavarııa» komandalary ıe boldy.
2019 jyly «Lıverpýl» komandasy jeńimpaz atanǵan bolatyn. Bıylǵa josparlanǵan dop dodasy koronavırýs ınfektsııasyna baılanysty ótkizilmeı qaldy.
