Fýtboldan klýbtar arasyndaǵy álem chempıonaty: «Bavarııa» fınalǵa shyqty
NUR-SULTAN. QazAqparat - Katar elinde fýtboldan ótip jatqan klýbtar arasyndaǵy álem chempıonatynyń fınalynda kezdesetin quramalar anyqtaldy, dep habarlaıdy QazAqparat tilshisi.
Esterińizge sala ketelik, atalǵan dop dodasy 1 aqpan kúni bastalýy tıis bolatyn. Bul kúni Katardyń «Al Dýhaıl» jáne Jańa Zelandııanyń «Oklend Sıtı» komandalarynyń oıyny josparlanǵan edi. Degenmen koronavırýs ınfektsııasyna baılanysty Jańa Zelandııa klýby týrnırge kelýden bas tartty. Olarǵa tehnıkalyq jeńilis jazyldy.
Al shırek fınalda Mysyrda «Al-Ahlı» klýby «Al Dýhaıl» komandasyn – 1:0, Meksıkanyń «ÝANL Tıgresi» Ońtústik Koreıanyń «Ýlsan Hendesin» 2:1 esebimen tize búktirdi.
Al jartylaı fınalda «ÝANL Tıgres» Brazılııanyń «Palmeırasyn» 1:0 esebimen orta jolda qaldyrsa, Germanııanyń «Bavarııasy» «Al-Ahlıdi» 2:0 esebimen jeńdi.
Endi fınalda 11 aqpanda «Bavarııa» men «ÝANL Tıgres» kezdesedi. Sol kúni úshinshi oryn úshin «Al-Ahlı» men «Palmeıras» synǵa túsedi.
Atalǵan dop dodasy 2000 jyldan beri turaqty túrde ótkizilip keledi. Búgingi kúnge deıin 16 márte uıymdastyryldy. Chempıondyq ataqqa Ispanııanyń «Real Madrıd» 4, «Barselona» 3, Brazılııanyń «Korıntıans» 2, «Internasonal», «San-Paýlý», Anglııanyń «Lıverpýl», «Manchester ıÝnaıted», Italııanyń «Mılan» «Inter» jáne Germanııanyń «Bavarııa» komandalary ıe boldy. 2019 jyly «Lıverpýl» komandasy jeńimpaz atanǵan bolatyn. Ótken jyly dop dodasy koronavırýs ınfektsııasyna baılanysty ótkizilmeı qaldy.
