Fýtboldan klýbtar arasyndaǵy álem chempıonaty: «Al-Hılıal» jartylaı fınalǵa shyqty
Shırek fınaldaǵy alǵashqy kezdesýde «Vıdad» (Marokko) jáne «Al-Hılıal» (Saýd Arabııasy) komandalary kezdesti.
Kezdesý barysynda komandalar tartysty oıyn ótkizdi. Dese de birinshi kezeńde esep ashylǵan joq.
Ekinshi kezeńde «Vıdad» sapynan Eıýb el Amlýd 52-mınýtta bir gol soqty. Budan keıin de komandalar esepti ózgertetin múmkindikti izdedi.
Oıynnyń 94-mınýtynda Saýd Arabııasy klýbynan Mohammed Kanno tarazy basyn teńestirdi.
Oıynnnyń negizgi kezeńi 1:1 esebimen teń aıaqtalyp, overtaımǵa ulasty. Overtaımda jeńimpaz anyqtalǵan joq. Al penaltı tebýde «Al-Hılıal» komandasynyń joly boldy. Osylaısha jartylaı fınalǵa joldama aldy.
Endi jartylaı fınalda 7 aqpanda Brazılııanyń «Flamengo» komandasymen kezdesedi.
Sondaı-aq, qazir «Sıetl Saýnders» (AQSh) jáne «Al-Ahlı» (Egıpet) komandalary sheberlik baıqasýda. Jeńimpaz komanda 7 aqpanda «Real Madrıd» (Ispanııa) klýbyna qapsylas atanady.
Egıpettik klýb budan buryn «Oklend Sıtı» (Jańa Zelandııa) komandasyn 1:0 esebimen qapy qaldyrǵan edi.
Týrnırdiń 3-oryn úshin saıys pen fınaly 11 aqpanǵa belgilengen.
Atalǵan týrnır 2000 jyldan beri turaqty túrde ótkizilip keledi. Buǵan deıin 11 komanda jeńimpaz atandy.
