Fýtboldan klýbtar arasyndaǵy álem chempıonatyn otandyq eki telearna kórsetedi

ASTANA. KAZINFORM – 2025 jyldyń 15 maýsym - 13 shilde aralyǵynda AQSh-ta ótetin klýbtar arasyndaǵy álem chempıonatyn «Qazaqstan» jáne «Qazsport» telearnalary kórsetedi. 

Dúbirli dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan óner kórsetedi, olardyń ekeýi pleı-off kezeńine shyǵady.

Qatysýshylardyń arasynda bıylǵy Chempıondar lıgasynyń jeńimpazy «PSJ» bar. Sonymen qatar eýropanyń úzdik klýbtary «Real Madrıd», «Manchester Sıtı», «Bavarııa» jáne t.b klýbtar týrnırde baq synaıdy.

Chempıonatynyń júlde qory 1 mıllıard AQSh dollaryn quraıdy. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi. 

Eske salsaq, buǵan deıin klýbtar arasyndaǵy álem chempıonatynda qaı komanda jeńimpaz atanýy múmkin ekenin jazǵan edik.