Fýtboldan Qazaqstannyń jastar quramasy «Eýro-2015» chempıonatynyń irikteý synyn sátti bastady
ALMATY. 12 maýsym. QazAqparat - Keshe Belorýssııanyń Borısov qalasynda fýtboldan «Eýro-2015» chempıonatynyń irikteý synyndaǵy Belarýs pen Qazaqstannyń 21 jasqa deıingi jastar quramasynyń alǵashqy kezdesýi ótti.
Qazaqstandyqtarǵa Reseıdiń «Kýban» komandasynda óner kórsetetin jartylaı qorǵaýshy Baýyrjan Islamhan jeńis ákeldi. Alań qojaıyndary kezdesýdiń ekinshi bóliginde oıyn tártibin buzǵan bolatyn. Tóreshi belgilegen 11 metrlikte Baýyrjan qarsylastar qaqpashysyn qapy qaldyrdy. Bul esep oıynnyń aıaǵyna deıin ózgerissiz qaldy. Endi qarymta kezdesý 10 qazanda Qazaqstanda bolady. Bizdiń fýtbolshylar oǵan deıin 11 tamyzda Armenııa quramasyn qabyldap, 5 qyrkúıekte syrt alańda - Frantsııa, 10 qyrkúıekte - Islandııa, 10 qazanda Armenııa aıaqdopshylarymen kezdesedi. Al irikteý synynyń aqtyq 2 oıynyn óz alańynda ótkizedi. Aldymen 5 naýryzda - ıslandııalyqtarmen, 2 qyrkúıekte frantsııalyqtarmen oınaıtyn bolady.
