Fýtboldan Qazaqstannyń jasóspirimder quramasy syrt alańda Ýelsten utyldy
ALMATY. Qazannyń 27-si. QazAqparat /Erbol Turymbetov/ - Fýtboldan Qazaqstannyń jasóspirimder quramasy (U-19) Eýropa 2010/2011 chempıonatynyń irikteý týrnırinde kezekti Ýels jasóspirimder quramasymen (U-19) syrt alańda kezdesip, 1:1 esebimen teń tústi.
Oıynnyń 51-shi mınýtynda esep ashqan alań ıesi Ellıot Chemberlen boldy. Onyń izin ala 16 mınýttan soń qazaq fýtbolshysy - «Jetisýdyń» qorǵaýshysy Saıat Sarıev esepti teńestirdi. Otandastarymyz osy eseppen oıyndy teń aıaqtady. Kezdesý Brıdjend qalasyndaǵy «Brıýerı Fıld» stadıonynda ótti.
Sonymen, 19 jasqa deıingi Ýelstik qurdastarymen sońǵy oıyndaryn ótkizgen jerlesterimiz jalǵyz upaımen jalpy kestede sońǵy orynda qaldy. Bizdiń toptaǵy qatar ótken taǵy bir matchta Islandııa quramasy túrikterge 1:2 esebimen jol berdi.
Qoryta kelgende, Túrkııa 7 upaımen top basynda tur. Bizdi jeńgen Ýels quramasy 5 upaımen túrikterdiń ókshesin basa ornalasty. Sońǵy oıynyn jeńilispen aıaqtaǵan Islandııada - 3 upaı. 4-shi oryndaǵy Qazaqstan qorjynynda 1 upaı.
