Fýtboldan Qazaqstannyń áıelder quramasy Eýro-2017 irikteý matchynda Avstrııadan jeńilip qaldy
ASTANA. QazAqparat - Qazaqstannyń áıelder quramasy Eýropa-2017 chempıonatynyń irikteý raýndy matchynda syrt alańda Avstrııaǵa 1:6 esebimen jol berdi, dep jazady Sports.kz.
Birinshi taımda Olesıa Jelezıaktiń qaqpasyna bes dop tústi, olardy Katarına Shıhtl, Nıkol Bılla, Ferena Ashaýer, Sara Tsadratsıl jáne Nına Býrger soqty. Úzilisten keıin Olesıa Jelezıakti Mádına Shoıkına aýystyrdy. Qonaqtar belsendirek qımyldaı bastady, al alań qojaıyndary ekpinin báseńdetti, qorytyndysynda Begaıym Qyrǵyzbaeva bir doppen jaýap qaıyrdy, alaıda oıyn qorytyndysyn Bılla túıindedi.
Osy jeńilisten keıin Qazaqstan esebinde bes oıynnan bir upaı bar jáne 8-shi topta sońǵy orynda tur. 2 maýsymda qazaqstandyq qyzdar Shymkentte Izraıldy qabyldaıdy.
