Fýtboldan Qazaqstannyń 4 dúrkin chempıony Germanııanyń 5 dúrkin chempıonymen joldastyq kezdesý ótkizedi
ALMATY. 10 qańtar. QazAqparat /Erlik Erjanuly/ - Túrkııada oqý-jattyǵý jıynyn ótkizip jatqan "Aqtóbe" fýtbol klýby erteń alǵashqy joldastyq kezdesýin ótkizedi.
Qazaqstan chempıonatynyń 4 dúrkin chempıony bolǵan aqtóbelikterdiń qarsylasy - Germanııanyń 5 dúrkin chempıony "Shtýtgart" komandasy. Aqtóbelikter 2005, 2007, 2008, 2009 jyldary el chempıony, al 2008 jyly kýbogtyń, 2008, 2010 jyldary sýperkýbogtyń ıegeri atanǵan bolatyn. Shtýtkgarttyqtar bolsa Germanııa chempıonatynda 1950, 1952, 1984, 1992, 2007 jyly chempıon, 1954, 1958, 1997 jyldary el kýbogynyń jáne 1992 jyly sýperkýboktyń jeńimpazy boldy. Sondaı-aq 2000, 2002, 2008 jyldary Intertoto kýbogynyń ıegeri atandy.
Vladımır Muqanov jattyqtyratyn aqtóbelikter jańa maýsymǵa ázirlik kezindegi alǵashqy oqý-jattyǵý jıynyn Antalııada 6 qańtarda bastaǵan bolatyn. 13 kúndik bul basqosý kezinde olar 3 joldastyq kezdesý ótkizýdi josparlap otyr. "Shtýtgarttan" keıin 15 qańtarda Reseıdiń "Metallýrg" (Krasnoıarsk), al 18-i kúni "Kýban" (Krasnodar) komandasymen kúsh synasatyn bolady.
