Fýtboldan Qazaqstannyń 19 jasqa deıingi jastar quramasy Gollandııadaǵy halyqaralyq týrnırge qatysady
ALMATY. 17 mamyr. QazAqparat - Gollandııanyń Gaaga qalasynda 24-27 mamyr kúnderi fýtboldan jastar arasyndaǵy 59-halyqaralyq týrnır ótedi.
Ol el namysyn Neboısha Mılıchıch jattyqtyratyn 19 jasqa deıingi aıaqdopshylar qorǵamaq. Qurama 20-23 mamyrda Talǵardaǵy oqý-jattyǵý bazasynda sońǵy ázirlikterin pysyqtaıdy. Bul jıynǵa bapkerler keńesiniń sheshimimen qaqpashylardan - Aleksandr Konochkın (Astana), Qamal Rashıdov (BIIK), Mıhaıl Golýbnıchıı (Ertis), qorǵaýshylardan - Qasymjan Taıypov, Sergeı Keıler (Qaırat), Aslan Súleımenov, Rafkat Aslan (Báıterek) Temirlan Ádilhanov (Jetisý), Mádııar Nuraly (Taraz), Pavel Halezov (Astana) pen Dmıtrıı Moıseev (Shahter), jartylaı qorǵaýshylardan - Nurlan Daıyrov, Magamed Ýzdenov (Qaırat), Berik Shaıhov (Báıterek), Vladımır Vomenko (Ertis), Oljas Іlııasov (Tobyl), Qýanysh Ermekov (Shahter), Samat Jarynbetov (Ekibastuz), shabýylshylardan - Abat Aıymbetov (Aqtóbe), Birjan Saǵyndyq (Ertis), Georgıı Makaev (Qaırat) pen Vıtalıı Lı (Shahter) shaqyrylyp otyr. Olar Gollandııaǵa 23 mamyrda atanady. «V» tobynda baq synaıtyn qazaqstandyqtardyń qarsylastary 20 jasqa deıingi Meksıka quramasy men Belgııanyń «Brıýgge», Germanııanyń «Borýssııa Menhengladbah» komandalary bolmaq. Al «A» tobynda jarys qojaıyndarynyń «Ado den Gaag», Ulybrıtanııanyń «Manchester Sıtı», Brazılııanyń «Krýzeıro» komandalary men Shotlandııanyń 20 jasqa deıingi jastar quramasy toptasyp otyr. Onda qazaqstandyqtar toptyq syndaǵy alǵashqy oıynyn 25 mamyrda meksıkandyqtarmen, 26mamyrda belgııalyq jáne germanııalyq aıaqdopshylarmen ótkizedi. Eger óz tobynda 1-2 oryn alsa 27 mamyr kúni jartylaı jáne aqtyq fınalda júldeli oryndardy sarapqa salýǵa qatysady.
