Fýtboldan Qazaqstan jastar quramasynyń úsh oıynshysy aýystyryldy
NUR-SULTAN. QazAqparat - Fýtboldan Qazaqstan jastar quramasynyń qatarynda ózgeris boldy, dep habarlaıdy QazAqparat Qazaqstan fýtbol federatsııasyna silteme jasap.
Belgııa quramasyna qarsy oıynǵa qorǵaýshylar Dinmuhamed Qashken men Aleksandr Shırobokov, jartylaı qorǵaýshy Dinmuhamed Qaraman qatysa almaıdy. Úsh oıynshy da jaraqattaryna baılanysty oqý-jattyǵý jıynyna kele almady.
Olardyń ornyn almatylyq «Qaırattyń» oıynshylary Ravıl Ibragımov pen Arsen Býranchıev, sonymen qatar «Astana» shabýylshysy Vladıslav Prokopenko tolyqtyrdy.
