Fýtboldan Qazaqstan jastar quramasy mınskilik «Dınamony» utty
ALMATY. Qyrkúıektiń 15-i. QazAqparat /Erbol Turymbetov/ - Keshe fýtboldan Qazaqstan jastar quramasy mınskilik «Dınamo» komandasymen joldastyq kezdesýde 1:0 esebimen utty, dep habarlaıdy QazAqparat.
Qazaqstan jastar quramasy (U-17) Eýropa - 2010/2011 birinshiliginiń irikteý týrlaryna daıyndyq jumystary aıasynda Belorýssııada oqý-jattyǵý jıyndaryn ótkizýde. Komanda qazir Mınskidegi kásipodaq sporttyq bazasynda ornalasqan.
Keshegi ótken oıynda otandastarymyz ózderinen 1 jas úlken fýtbolshylardan quralǵan komandany utty. Oıynnyń 50-shi mınýtynda soǵylǵan jalǵyz goldyń ıesi Vladıslav Morozov. Bul kezdesýde qazaqstandyqtar alańǵa tómendegideı qurammen shyqty: Pavlov (Qurmanáli 71), Jánibekov (Qalymbetov 41), Zavodskıı (Ádilhanov 53), Qalabaev, Keıler, Shaıhov (Maızengelter 41), Paragýlkov (Halezov 55), Lı (Bahrıden 56), Haırýllın (Berýashvılı 68), Rybalko (Baıjanov 48), Sarıev (Morozov 41).
Endi Qazaqstan jastar quramasy qyrkúıektiń 17-si kúni mınskilik «Dınamonyń» ózderimen qatarlas tolqynymen oınaıdy. Al erteń bizdiń komanda Molodechno qalasyna at basyn tirep, jattyǵý jumystaryn sonda júrgize jalǵastyrady. Dál osy alańda olar eýropa irikteý týrlaryndaǵy 3 kezdesýdiń ekeýin ótkizetin bolady. Onyń alǵashqysy osy aıdyń 21-i kúni Rýmynııa quramasymen ótedi.
