Fýtboldan Qazaqstan jastar quramasy qyrǵyzstandyqtardan basym tústi
NUR-SULTAN. QazAqparat - Elimizdiń 21 jasqa deıingi jastar quramasy Qyrǵyzstan olımpıadalyq quramasynan joldastyq kezdesýde basym tústi, dep habarlaıdy QazAqparat tilshisi.
Kezdesý barysynda qos qurama bir-birine tegeýrindi qarsylyq kórsetti. Birinshi kezeńde esep ashylǵan joq.
Ekinshi kezeńde qazaqstandyq Arsen Býranchıev 54-mınýtta esep ashsa, 89-mınýtta Mıras Turlybek qorytyndy esepti belgiledi.
Osylaısha Qazaqstan jastary qarsylasynan 2:0 esebimen basym tústi.
Eske salsaq, bul qazaqstandyq fýtbolshylardyń Eýropa chempıonaty irikteý týrnıriniń kezekti oıyny aldyndaǵy daıyndyǵy bolmaq.
Jastarymyz irikteý týrnırinde I tobynda Belgııa, Danııa, Shotlandııa jáne Túrkııamen synǵa túsýde.
Endi olar 29 naýryzda Shotlandııa jastarymen kezdesedi.
