Fýtboldan Qazaqstan jastar quramasy Túrkistanda Slovakııa men Irlandııamen oınaıdy
ASTANA. KAZINFORM — Fýtboldan Qazaqstan jastar quramasy 2027 jylǵy jastar arasyndaǵy Eýropa chempıonatynyń irikteý kezeńindegi Túrkistanda ótkiziletin eki oıyny qashan bastalatyny belgili boldy.
Qurlyqtyq dodadaǵy aldaǵy Slovakııa men Irlandııaǵa qarsy eki oıyndy «Túrkistan Arena» qabyldaıdy.
Alǵashqy kezdesýde otandastarymyz 27 naýryzda Qazaqstan ýaqytymen 20:00–de Slovakııany qabyldasa, 31 naýryzda dál sol ýaqytta Irlandııamen jasyl alańǵa shyǵady.
Qazaqstandyq fýtbolshylar D tobynda synǵa túsip jatyr. Qarsylastary — Anglııa, Slovakııa, Irlandııa, Andorra, Moldova.
Qazirge deıin olar bes kezdesýde bir márte jeńiske jetip, bir márte teń oınasa, qalǵanynda qarsylastaryna ese jiberdi. Aldymen Andorrany 1:0 esebimen jeńse, odan keıin Anglııaǵa 0:2, Andorraǵa 0:1, Slovakııaǵa 1:2 esebimen ese jiberse, Moldovamen 1:1 esebimen teń tústi.
Іrikteý kezeńi 2025 jyldyń 5 maýsymy men 2026 jyldyń 6 qarashasy aralyǵynda bolady.
Aıta ketsek, budan buryn qazaqstandyq bapker Vladımır Chebýrın jastar quramasynyń tizginin ustady.
Buǵan deıin Vladımır Chebýrın «Shahter», «Oqjetpes» klýbtarynda, sondaı-aq Lıtvanyń «Krýoıa», «Sýdýva» jáne «Jalgırıs» komandalarynda jumys istegen.
«Sýdýva» men «Jalgırıs» klýbtarymen birge alty márte el chempıony atanyp, úsh ret Lıtva Kýbogyn jáne eki ret Sýperkýbogyn jeńip alǵan. Sonymen qatar Lıtvada úsh márte jyldyń úzdik bapkeri dep tanylǵan.
