Fýtboldan Qazaqstan jastar quramasy eki oıynyn Túrkistanda ótkizedi

ASTANA. KAZINFORM - Fýtboldan Qazaqstan jastar quramasy 2027 jylǵy jastar arasyndaǵy Eýropa chempıonatynyń irikteý kezeńindegi eki oıynyn Túrkistan qalasynda ótkizedi.

Qazaqstan fýtbol federatsııasynyń habarlaýynsha, Slovakııa men Irlandııa quramalaryna qarsy matchtar «Túrkistan Arena» stadıonynda bolady. 

Otandastarymyz aldymen 27 naýryzda Slovakııamen kezdesse, 31 naýryzda Irlandııamen sheberlik baıqasady.

Matchtardyń bastalatyn ýaqyty aldaǵy ýaqytta jarııalanady.

Aıta ketsek, budan buryn qazaqstandyq bapker Vladımır Chebýrın jastar quramasynyń tizginin ustady.

Buǵan deıin Vladımır Chebýrın «Shahter», «Oqjetpes» klýbtarynda, sondaı-aq Lıtvanyń «Krýoıa», «Sýdýva» jáne «Jalgırıs» komandalarynda jumys istegen.

«Sýdýva» men «Jalgırıs» klýbtarymen birge alty márte el chempıony atanyp, úsh ret Lıtva Kýbogyn jáne eki ret Sýperkýbogyn jeńip alǵan. Sonymen qatar Lıtvada úsh márte jyldyń úzdik bapkeri dep tanylǵan.