Fýtboldan Qazaqstan jastar quramasy aldaǵy oıyndarǵa daıyndyǵyn bastady

ASTANA. KAZINFORM — Búgin fýtboldan Qazaqstan jastar quramasy aldaǵy úsh oıynǵa oqý-jattyǵý jıynyn bastady.

Qazaqstandyq jastar 2027 jylǵy Eýropa chempıonatynyń irikteý kezeńi aıasynda Andorraǵa qarsy match ótkizedi. Odan keıin olardy Ózbekstan jastar quramasymen eki joldastyq kezdesý kútip tur.

Qazaqstan jastar quramasynyń aǵa bapkeri Denıs Mamonov bul oıyndarda jasyl alańǵa shyǵatyn fýtbolshylar tizimin jarııalady.

Jastar quramasynyń oqý-jattyǵý jıyny 3 qazanda Almaty qalasynda bastalady. Tizimge 24 oıynshy endi.

Qaqpashylar: Mıras Rıhard («Ertis»), Dýlat Talyspaev («Kege», Danııa), Ábilqaıyr Álıakbar («Altaı»).

Qorǵaýshylar: Sultan Asqarov («Jetisý»), Álı Turǵanov («Ońtústik akademııasy»), Temirlan Myrzaǵalıev («Qaısar»), Nıkıta Gýbarev («Qaısar»), Bahtııar Tóleýov («Ertis»), Ramazan Kárimov («Jetisý»), Aleksandr Mrynskıı («Qaırat»), Álıhan Serikbaı («Kaspıı»).
Jartylaı qorǵaýshylar: Davıd Esimbekov («Jetisý»), Oljas Baıbek («Qaırat»), Ábınur Nurymbet («Ertis»), Vıacheslav Raskatov («Kaspıı»), Nuraly Jaqsylyq («Astana»), Tamerlan Aǵymanov («Ertis»), Aıan Baıdáýletov («Aqtóbe»), Jansultan Muhamethanov («Jetisý»).
Shabýylshylar: Gleb Valgýshev («Qyzyl-Jar»), Seıf Popov («Altaı»), ıAn Trýfanov («Atyraý»), Maǵjan Toqtybaev («Ońtústik akademııasy»), Ramazan Baǵdat («Qaırat»).
Aıta keteıik, Qazaqstan jastar quramasy 2027 jylǵy Eýropa chempıonatynyń irikteý kezeńin Andorra quramasyna qarsy matchta jeńispen bastady. Al ekinshi oıynda Anglııa quramasyna ese jiberdi.

Іrikteý kezeńiniń úshinshi oıyny 9 qazanda Andorrada ótedi. Match Qazaqstan ýaqytymen 22:30–da bastalady. Artynsha 12 jáne 14 qazan kúnderi Tashkent qalasynda Qazaqstan men Ózbekstan jastar quramalary arasynda eki joldastyq oıyn josparlanǵan.

Eske salsaq, 2027 jyly 20 jasqa deıingi fýtbolshylar arasyndaǵy (U-20) álem chempıonaty Ózbekstan men Ázerbaıjanda ótedi.