Fýtboldan Qazaqstan jasóspirimderi sensatsııalyq jeńiske qol jetkizdi
ASTANA. KAZINFORM — Fýtboldan 17 jasqa deıingiler arasynda 2026 jylǵy Eýropa chempıonatyna irikteý týrnırinde Qazaqstan quramasy Horvatııanyń Nedelışe qalasynda alǵashqy kezdesýin ótkizdi.
Baýyrjan Saǵyndyqtyń shákirtteri sensatsııa jasap, Horvatııany 2:1 esebimen utty.
Matchtyń 2-mınýtynda-aq Islam Raqym esep ashty.
Degenmen 33-mınýtta alań ıelerinen ıÝraı Frıgan 11 metrlik aıyp dobyn dál oryndap, tarazy basyn teńestirdi.
Úzilis aldynda 45-mınýtta Rasýl Ákimov jeńis golyn soqty – 2:1.
Ekinshi taımda horvatııalyqtar esepti teńestirýge taǵy da múmkindik aldy. Alaıda Lýka Bartolovıch 57-mınýtta penaltıden múlt ketti.
Segizinshi toptaǵy shaǵyn týrnır Qazaqstan, Horvatııa, Nıderland jáne Albanııa quramalarynyń qatysýymen Horvatııada ótip jatyr. Qazaqstandyqtar 14 qarashada Nıderland, 17-sinde Albanııamen oınaıdy.
Eske sala keteıik, budan buryn «Qaısardan» keıin «Qyzyljar» klýby jekemenshikke ótkenin jazǵan edik.