Fýtboldan Qazaqstan jasóspirimder quramasynyń aǵa jattyqtyrýshysy taǵaıyndaldy

ASTANA. KAZINFORM - Fýtboldan elimizdiń 17 jasqa deıingi jasóspirimder quramasynyń aǵa jattyqtyrýshysy qyzmetine Baýyrjan Saǵyndyq taǵaıyndaldy.

36 jastaǵy maman kásibı fýtbolshy retinde «Ertis», «Energetık-2», «Namys», «Astana-1964» jáne «Gefest» komandalarynda oıyn kórsetti.

Jattyqtyrýshy mansabyn 2009 jyly «Ertis» jastar komandasynda bastaǵan. 2017-2018 jyldary «Ertis» klýbynda jastar fýtbolyn damytý baǵdarlamasynyń basshysy qyzmetin atqardy.

Sondaı-aq Baýyrjan Saǵyndyq «Juldyz» jáne «Aqsý» fýtbol ortalyqtarynda jumys istedi. 2017-2018 jyldary Qazaqstan 20 jasqa deıingi jastar quramasynda bapkerler shtabynda jumys atqardy.

2022 jyly ol «Aqsý» fýtbol klýbynda bas bapkerdiń kómekshisi boldy.

Eske salsaq, fýtboldan UEFA Ulttar lıgasynyń jerebesi 8 aqpanda tartylady.