Fýtboldan Qazaqstan jasóspirimder quramasy Tájikstanmen teń oınady
ASTANA. KAZINFORM - Fýtboldan Qazaqstan 17 jasqa deıingi jasóspirimder quramasy Tájikstanmen 1:1 esebimen teń oınady.
Otandastarymyz arasynan Dáýlet Orynbasar penaltıden gol soqty. Osylaısha qurama Shymkent qalasynda oqý-jattyǵý jıynyn aıaqtady.
Oqý-jattyǵý jıyny barysynda Baýyrjan Saǵyndyqtyń shákirtteri Tájikstanmen eki baqylaý oıynyn ótkizdi.
Eske salsaq, fýtboldan Qazaqstan 19 jasqa deıingi jasóspirimder quramasy Slovenııada ótken «Slovenia Nations Cup-2025» halyqaralyq týrnırinde úshinshi kezdesýde Islandııaǵa jol berdi.
Otandastarymyz Birikken Arab ámirligi (BAÁ), Shotlandııa jáne Islandııa ujymdarymen sheberlik baıqasty. Olar Islandııaǵa 1:4 esebimen jol berip qoıdy.
Alǵashqy eki kezdesýinde qazaqstandyq fýtbolshylar Birikken Arab ámirligin 5:1, odan keıin Shotlandııany 2:1 esebimen tize búktirdi.