Fýtboldan Qazaqstan jasóspirimder quramasy óz tobynda birinshi oryn aldy
ASTANA. KAZINFORM — Horvatııada Fýtboldan 17 jasqa deıingiler arasynda ótken Eýropa chempıonatynyń irikteý týrnırinde Qazaqstan quramasy óz tobynda birinshi orynǵa ıe boldy.
V dıvızıonynda Baýyrjan Saǵyndyq baptaıtyn qazaqstandyqtar alǵashqy oıynda sensatsııa jasap, Horvatııany 2:1 esebimen jeńgen edi.
Odan keıin Nıderland quramasyna 1:4 esebimen ese jiberdi.
Búgin sońǵy kezdesýinde qazaqstandyqtar Albanııany 2:1 esebimen tize búktirdi.
Qazaqstan quramasynan Roman Chernomorets (21-mınýt) pen Abylaı Jylqaıdar (58-mınýt) gol soǵyp, kózge tústi. Buǵan albanııalyqtar 95-mınýtta Armenda Mýslıkanyń golymen jaýap qaıyrdy.
Osylaısha, 6 upaı jınaǵan Qazaqstan komandasy óz tobynda birinshi oryn aldy. Horvatııa (6 upaı) ekinshi satyda.
Sóıtip Qazaqstan men Horvatııa A dıvızıonyna joldama aldy.
Endi Baýyrjan Saǵyndyqtyń shákirtteri 2026 jyldyń kókteminde Eýropa chempıonatynyń fınaldyq kezeńine beriletin joldama úshin talasady.
Eske sala keteıik, budan buryn fýtboldan Qazaqstan jasóspirimderiniń sensatsııalyq jeńiske qol jetkizgenin jazǵan edik.